پنڈی پوسٹ کی دسویں سالگرہ کے موقع پر پروقار تقریب کا انعقاد کیا گیا اس موقع پر چیف ایڈیٹر عبدالخطیب چوہدری نے اظہار خیال کرتے ہوئے کہا کہ الحمد اللہ ایک دہائی کا سفر مکمل ہو گیا پنڈی پوسٹ تاریخ کے اوراق میں علاقہ کی روایات کو سامنے رکھتے ہوئے منازل طے کرتا جا رہا ہے ہمیں ایسی ٹیم ملی جس نے صحافت برائے خدمت کو
عملی جامہ پہنایا ہمیں یہ اعزاز حاصل ہےکہ کبھی بھی بلیک میلنگ کی صحافت نہیں کی اور نہ ہمارا کوئی ممبر بلیک میلنگ کی آڑ میں زرد صحافت کرتے پایا گیا ان کا مزید کہنا تھا کہ ہمیں صحافت میں ایسے افراد کو سامنے لانے کا اعزاز بھی حاصل ہے جن کے اندر بے پناہ ٹیلنٹ تو موجود تھا مگر انھیں کسی بھی میڈیم پر آنے کا موقع نہیں ملاتھا الحمد اللہ پنڈی پوسٹ کو ایسے افراد کو سامنے لانے کا اعزاز حاصل ہے تقریب سے پروفیسر شاہد جمیل منہاس،نوید ملک،آصف شاہ،راجہ غلام قنبر،عبدالجبار چوہدری،ساجد محمود،راجہ طاہر،راجہ نوید اور پنڈی پوسٹ نیوز ڈیسک کے انچارج شہزا رضا اور سابق چیئرمین یوسی بشندوٹ زبیر کیانی نے بھی خطاب کیا
