وزیراعلیٰ پنجاب چودھری پرویز الٰہی سے پاکستان تحریک انصاف کی خواتین اراکین قومی اسمبلی کے وفد نے ملاقات کی۔خواتین ایم این ایز نے وزیراعلیٰ چودھری پرویزالٰہی کے عوامی فلاح کے کاموں کو زبردست الفاظ میں خراج تحسین پیش کیا۔خواتین اراکین قومی اسمبلی نے اس موقع پر گفتگو کرتے ہوئے کہا کہ ریسکیو1122آپ کا تاریخی فلاحی منصوبہ ہے،جس کی کوئی نظیرنہیں۔ ایمرجنسی وارڈز میں مفت ادویات کی فراہمی پرویزالٰہی کی عوامی خدمت کا منہ بولتا ثبوت ہے۔میٹرک کے بعد اب گریجویشن تک مفت تعلیم کا اعلان پرویزالٰہی کا شاندارعلم دوست اقدام ہے۔آپ نے مختصر عرصے میں عوام کی فلاح وبہبود کیلئے مثالی اقدامات کیے،جس کے سب معترف ہیں۔وزیراعلیٰ پنجاب چودھری پرویزالٰہی نے اس موقع پر گفتگو کرتے ہوئے کہا کہ خواتین کی عزت و احترام ہماری سماجی، معاشرتی اور مذہبی اقدار کا حصہ ہے۔خواتین کو جو حقوق دین اسلام میں دیئے گئے، مغرب اس کا تصور بھی نہیں کرسکتا۔اللہ تعالیٰ نے ماں، بیٹی اور بہن جیسے عظیم اور خوبصورت رشتوں کا امین بنا کر عورت کو تقدس و احترام دیا ہے۔انہوں نے کہا کہ خواتین کی عملی میدان میں شمولیت کے بغیر کوئی معاشرہ یا قوم ترقی نہیں کرسکتی۔ ماضی کی حکومتوں نے خواتین کو قومی دھارے میں شامل کرنے کیلئے کوئی مثبت اقدام نہیں اٹھایا۔عمران خان کے ویژن کے مطابق ہماری حکومت خواتین کو قومی دھارے میں شامل کرنے کیلئے پرعزم ہے۔ خواتین کو عزت، ترقی اور تحفظ دیں گے۔وزیراعلیٰ سے ملاقات کرنے والے وفد میں عندلیب عباس،کنول شوزب، عالیہ حمزہ ملک، ڈاکٹر نوشین حامد،رخسانہ نوید، منورہ، غزالہ سیفی،نصرت وحید، سائرہ ندیم،شنیلہ روتھ اورروبینہ جمیل شامل تھیں
123
