وزیراعلیٰ پنجاب نے صوبہ بھر کی 65 ہزار مساجد کے پیش اماموں کیلئے وظیفہ مقرر کرنے کا فیصلہ کرلیا۔ مریم نواز کا کہنا تھا کہ محلے میں چندہ اکٹھا کرکے امام مسجد کو ادائیگی غیر مناسب ہے۔ انہوں نے مساجد کی تعمیر و مرمت کے پراجیکٹس کو سالانہ ترقیاتی پروگرام میں شامل کرنے کی ہدایت کردی۔
وزیراعلیٰ پنجاب نے 65 ہزار مساجد کے پیش اماموں کیلئے وظیفہ مقرر کرنے کا فیصلہ کرلیا۔ مریم نواز نے کہا کہ امام مسجد معاشرے کے قابل احترام اور صاحب تکریم افراد ہیں، محلے میں چندہ اکٹھا کرکے امام مسجد کو ادائیگی غیر مناسب ہے، حکومت پنجاب ضروریات کیلئے امام مسجد کی معاشی معاونت کرے گی۔
وزیراعلیٰ پنجاب کی زیر صدارت اجلاس میں مساجد کی تعمیر و مرمت کے پراجیکٹس سالانہ ترقیاتی پروگرام میں شامل کرنے کا فیصلہ کیا گیا، مریم نواز نے مساجد کی تعمیر ومرمت کی جلد تکمیل کیلئے اقدامات کی ہدایت کردی۔
وزیراعلیٰ پنجاب کی ہدایت پر رائیونڈ اجتماع کیلئے سڑکوں کی تعمیر و مرمت مکمل کرلی گئی، بریفنگ میں بتایا گیا کہ رائیونڈ کی سڑکوں پر گڑھوں کی مرمت کرکے پُر کردیے گئے، رائیونڈ تبلیغی اجتماع کیلئے خصوصی بسیں چلائی جائیں گی۔ وزیراعلیٰ مریم نواز کی ہدایت پر رائیونڈ اجتماع کیلئے سیکیورٹی کے سخت انتظامات کیے گئے ہیں۔
وزیراعلیٰ مریم نواز شریف نے ڈپٹی کمشنر، اسسٹنٹ کمشنرز کو آئمہ کرام کے پاس خود جانے کی ہدایت کردی گئی، پنجاب میں سائبر کرائم سیل تشکیل دینے کا اصولی فیصلہ کیا گیا ہے، لاؤڈ اسپیکر کے غیرقانونی استعمال پر کارروائی یقینی بنانے کی ہدایت کی ہے۔
