راولپنڈی (نمائندہ پنڈی پوسٹ)پنجاب میں بلدیاتی قانون سازی نئی مشکلات کا شکار ہو گئی قائم مقام گورنرچوہدری پرویز الہیٰ نے آرڈینس پر دستخط کے بجائے نئی تجاویز دے دیں مسلم لیگ ق نے تحصیل کونسلز کو دوبارہ بلدیاتی نظام کا حصہ بنانے کا مطالبہ کر دیااور بلدیاتی اداروں میں میئر اور ضلع کونسل چیئرمین کیلئے تعلیمی قابلیت کی شرط رکھنے کی تجویز دے دی ہے جبکہ قائم مقام گورنر پنجاب چوہدری پرویز الہیٰ سے سیکرٹری بلدیات نورالامین مینگل نے ملاقات کی اور پنجاب کابینہ کے پاس کردہ لوکل باڈی ایکٹ 2021 بارے بریفنگ دی بریفنگ میں بتایا گیا کہ نئے بلدیاتی نظام میں دیہی سطح پر ویلج کونسل اور ضلع کونسل کا نظام تجویز کیا گیا ہے جبکہ چوہدری پرویز الہیٰ نے ویلج کونسل اورضلع کونسل کے ساتھ تحصیل کونسل کا نظام لانے کی تجویز دے دی ہے تجاویز میں کہا گیا ہے کہ ضلع کونسل چیئرمین اور میئر کیلئے تعلیمی قابلیت ہونی چاہیے جبکہ الیکشن کمیشن نے پنجاب حکومت کو نئے ایکٹ بارے تیس نومبر کی ڈیڈ لائن دی رکھی ہے الیکشن کمیشن نے یکم دسمبر سے حد بندی کے عمل کا آغاز کرنا ہے قائم مقام گورنر کی تجاویز کے بعد حکومت پنجاب ایک بار پھر مشکلات کا شکار ہو گئی ہے اور محکمہ بلدیات نے قائم مقام گورنر کی تجاویز سے وزیراعلیٰ پنجاب کو آگاہ کرنے کا فیصلہ کیا ہے وزیر بلدیات میاں محمود الرشید اور سیکرٹری بلدیات نورالامین مینگل وزیراعلیٰ کو نئی صورت حال پر بریف کریں گے اور وزیر اعلیٰ نئی صورت حال کی روشنی میں بلدیاتی ایکٹ کی حتمی تجاویز کے حوالے سے فیصلہ کریں گے
150
