راولپنڈی (نیٹ نیوز)پنجاب آئندہ بلدیاتی انتخابات مرحلہ وار کروانے کی تجویز‘تفصیلات کے مطابق پہلے مرحلے میں بلدیاتی انتخابات جنوبی پنجاب دوسرے مرحلے میں شمالی پنجاب میں کروانے کی تجویز دی گئی ہےاس کے علاوہ آخری مرحلے میں بلدیاتی انتخابات وسطی پنجاب میں کروانے پر غور کیا جا رہا ہے۔ذرائع کے مطابق الیکشن کمیشن نے حکومت پنجاب کو سفارش کی کہ مرحلہ وار انتخابات کروائے جائیں ذرائع نے بتایا کہ الیکشن کمیشن کی جانب سے دو مراحل میں بلدیاتی انتخابات کی تجویز سامنے آئی ہیں، حکومت پنجاب کی اس ضمن میں الیکشن کمیشن کے ساتھ مشاورت جاری ہے۔ذرائع کا کہنا ہے کہ ایک مرحلے میں پنجاب بھر میں بلدیاتی انتخابات ممکن نہیں، بلدیاتی انتخابات کے لئے بڑے پیمانے پر اقدامات، انتظامی وسائل، افرادی قوت درکار ہوگی واضح رہے کہ پنجاب کابینہ کے گزشتہ روز ہونے والے اجلاس میں تجویز کے بارے میں اعتماد میں لیا گیا ہے، متعدد وزراء نے پہلے مرحلے میں اپنے علاقے میں انتخابات کی حامی نہیں بھری، فیصل آباد، میانوالی اور ملتان کے وزراء نے کابینہ اجلاس میں پہلے مرحلے میں اپنے علاقوں میں انتخابات کی پیشکش کی متعدد وزراء نے اجلاس میں تجویز دی کہ جہاں پی ٹی آئی مضبوط ہے وہاں پہلے مرحلے میں بلدیاتی انتخابات کروائے جائیں
228
