نیو ائیر نائٹ پر کسی بھی قسم کی آتش بازی ،ہوائی فائرنگ،ون ویلنگ منع ہے،اے ایس پی سید دانیال حسن

گوجرخان نیوایئر نائٹ پر آتش بازی، ہوائی فائرنگ، ہلڑبازی، ون ویلنگ کرنے والوں کوکسی صورت برداشت نہیں کیا جائے گا پولیس فوری طور پر کارروائی کرے گی ایسی پارٹیاں اور محفلیں سجانے والوں کیخلاف بھی سخت کارروائیاں ہونگی ان خیالات کااظہار اے ایس پی سید دانیال حسن نے کیا انہوں نے کہا کہ سی پی او راولپنڈی خالد محمودہمدانی کی خصوصی ہدایت پر نیوایئر نائٹ کو آتش بازی، ہوائی فائرنگ، شراب نوشی کر کے غل غباڑہ کرنے والے افرادکیخلاف نہ صرف مقدمات درج ہونگے بلکہ ان میں دہشت گردی کی دفعات شامل کر کے ایف آئی آر کا اندراج کیا جائے گالہٰذا ایسے غیر قانونی عمل کرنے سے اجتناب کیا جائے بصورت دیگر سخت کارروائی بھگتنے کیلئے تیار رہیں دانیال حسن نے والدین سے بھی اپیل کرتے ہوئے کہا کہ وہ اپنے بچوں کو ایسی واہیات رسومات، پروگراموں میں شرکت اور ون ویلنگ کرنے سے منع کریں ایسے عمل کرنے والوں کیخلاف پولیس سخت کارروائی کرے گی