مری ایبٹ آباد روڈ پر باڑیاں کے قریب پیر کے روزایک ٹیوٹا ہائی ایس میں اچانک آگ بھڑک اٹھی جس کے نتیجے میں گاڑی مکمل طور پر جل کرخاکستر ہوگئی تاہم اس میں سوار تمام افراد معجزانہ طور پر محفوظ رہے اورمقامی لوگوں نے جانوں کی پرواہ کئے بغیر امدادی کاروائی کرتے ہوئے گاڑی میں سوا ر تمام مسافروں کو بحفاظت نکال لیا۔ واقع کی اطلاع ملتے ہی ریسکیو 1122 مری کی امدادی ٹیم ایمبولینس،ایک فائر ٹرک اورایک ریسکیو وین کے ہمراہ موقع پر پہنچ گئی ریسکیوکے عملے نے ڈی سی پی استعمال کرتے ہوئے آگ پر قابوپایا جبکہ فائر ٹرک نے کولنگ کی۔
161