مری(نمائندہ پنڈی پوسٹ)محکمہ موسمیات کی پیشگوئی کے مطابق بدھ کی رات سے جمعرات تک متوقع برفباری کے پیش نظر تمام تر ٹریفک انتظامات مکمل کر لیے گئے ہیں ٹریفک کی روانی کویقینی بنانے کیلئے مری میں اضافی نفری تعینات کر دی گئی ہے ان خیالات کااظہار چیف ٹریفک آفیسر ضلع راولپنڈی وسیم ریاض نے متوقع برفباری کیلئے کئے گئے اقدامات کے حوالے سے میڈیاسے گفتگوکرتے ہوئے کیا انہوں نے کہا کہ ضلعی انتظامیہ کے احکامات کے پیش نظر مری میں سیاحوں کی8000گاڑیوں کی اجازت ہے مری میں سیاحوں کی اب تک1485گاڑیاں موجود ہیں مری کے داخلی راستوں پر سیاحوں کو آگاہی و احتیاطی پمفلٹ بھی تقسیم کیے جارہے ہیں راولپنڈی پولیس کے ریڈیو اسٹیشن88.6کے ذریعے بھی مری کے حوالے سے سیاحوں کو آگاہی فراہم کی جا رہی ہے سی ٹی اونے مری جانے والے سیاحوں کوہدایت کی ہے کہ موسم کی شدت اور رش کی صورتحال کو مد نظر رکھتے ہوئے مری کا سفر کریں
111