صدر مملکت آصف علی زرداری اور وزیراعظم شہباز شریف کے گزشتہ 20 ماہ کے دوران غیرملکی دوروں کی تفصیلات سامنے آگئیں۔ سرکاری دستاویزات کے مطابق، صدر مملکت نے 3 جبکہ وزیراعظم نے 34 غیرملکی دورے کیے۔
تفصیلات کے مطابق دونوں رہنماؤں کے دوروں میں چین سرفہرست رہا۔ وزیراعظم شہباز شریف نے سعودی عرب کے 8، چین، امریکا اور مصر کے 2،2 دورے کیے۔
دستاویزات کے مطابق وزیراعظم نے اقوام متحدہ کی جنرل اسمبلی کے دو اجلاسوں میں بھی شرکت کی اور ایران، متحدہ عرب امارات، تاجکستان، قازقستان، قطر، ترکیہ، ازبکستان، آذربائیجان، برطانیہ، ملائیشیا اور باکو کے سرکاری دورے بھی کیے۔
