شوہر نے ڈندوں کے وار سے بیوی کو قتل کر دیا

چوھدری محمد اشفاق
پنڈی پوسٹ ڈاٹ پی کے شاہ باغ
شاہ باغ کے نواحی قصبہ آراضی بانڈی میں شوہر نے اپنی اہلیہ کو ڈندوں کے وار سے قتل کر ڈالا ہے شرافت علی جو کہ تحصیل کہوٹہ کے گاؤں نڑھ کا رہائشی ہے جو عارضی طور پر کلرسیداں شاہ باغ کے گاؤں آراضی بانڈی میں کرائے پر رہ رہا تھا اس نے اپنی دوسری بیوی کو قتل کر دیا ہے شرافت علی جو کہ پہلے شادی شدہ تھا اس نے اسماء نورین جس کی عمر 26 برس تھی کو کسی طرح اپنی باتوں کے جال میں پھنسا لیا تھا جس وجہ سے مقتولہ نے اپنے والدین کی مرضی کے خلاف گھر سے بھاگ کر قاتل شرافت علی سے شادی کر رکھی تھی شرافت علی کے اپنی پہلی بیوی آنسہ کے بطن سے تین بچے بھی تھے اس کے باوجود اس نے دوسری شادی کر رکھی تھی جا کا اس کی پہلی بیوی کو بھی رنج تھا آئے روز گھر میں لڑائی جھگڑا رہتے تھے اتوار کی رات کو جب اسماء نورین سوئی ہوئی تھی تو اس کے شوہر شرافت علی نے ڈندوں کے وار سے اس کو قتل کر دیا ہے پولیس تھانہ کلرسیداں نے ملزم کے خلاف دفعہ زی302کے تحت مقدمہ درج کر لیا ہے یاد رہے کہ مقتولہ اسماء نورین والدین کی اکیلی بیٹی تھی اور اس کے چار بھائی ہیں قاتل اور مقتول دونوں کا تعلق نڑھ قوم ستی سے ہے ان کی شادی چار برس قبل ہوئی تھی