روات کلرسیداں روڈ پر بننے والا ٹال پلازہ ایک بار پھر تعطل کا شکار ہوگیا ہے گزشتہ روز محکمہ ہائی پنجاب راولپنڈی ریجن نے سردار مارکیٹ یوبی ایل بنک کےقریب دوبارہ ٹول پلازہ بنانے کا کام شروع کیا تھا دن بھر بارش رہنے کی وجہ سے کام سست رفتاری کاشکار رہا
لیکن رات گئے علاقہ کی سیاسی شخصیت اور ٹرانسپورٹر کی مداخلت بناء پر کام کو روک دیا گیا ہے پنڈی پوسٹ کے زرائع کے مطابق اج دن اس حوالے سے ڈپٹی کمشنر آفس راولپنڈی میں میٹنگ کا انعقاد ہورہا ہے جس میں ٹال پلازہ کے کی نئی جگہ کا انتخاب یا اس کو بنانے یا نہ بنانے کے بارے میں حتمی فیصلہ کیا جائے گا
یاد رہے اس سے قبل یکم فروری کو مانکیالہ کے مقام پر ٹال پلازہ کو بنایاگیا تھا جس کو مقامی افرادنے مداخلت کرتے ہوئے اکھاڑ دیا تھا اور بعدازاں چوہدری رمیض ایڈووکیٹ نے بھی اس کے خلاف عدالت سے حکم امتناہی حاصل کرلیا تھا
