سکھر ٹرین حادثہ میں مری کے رہائشی بہن بھائی جانبحق

مری(سید احمد،نمائندہ پنڈی پوسٹ)سکھر میں کراچی یکسپریس ٹرین کے المناک حادثہ میں متعدد افراد شہید ہوگئے ، حادثہ میں ایک خاتون سمیت تین بچیاں اورایک بچے کا تعلق مری کے گاؤں موہڑہ عیسوال اور اوسیاہ سے ہے شہیدہوگئے شہداء میں موہڑہ عیسوال کے امتیاز عباسی کے صاحبزادے کرنل(ر) کامران عباسی کا ایک بیٹا اور بیٹی شامل ہیں جاں بحق ہونے والوں کا تعلق ایک ہی خاندان سے ہے بدقسمت خاندان بیٹی سے عیدملنے کراچی گیاتھا واپسی پرحادثہ کاشکار ہوگیا، سرکاری ذرائع کے مطابق لاشوں کو ڈی این اورضروری قانونی کاروائی کے بعدورثاء کے حوالے کیاجائیگا، اس افسوسناک ٹرین حادثہ میں سوار کرنل(ر)اکرام عباسی انکی اہلیہ اور ایک بیٹی معجزانہ طور پرمحفوظ رہے اس دلخراش حادثہ پرپاکستان تحریک انصاف کے مرکزی رہنماء وسابق تحصیل ناظم مری سردار محمدسلیم خان نے گہرے دکھ ورنج کااظہارکرتے ہوئے کہا ہے اس المناک حادثے سے پوراخطہ کوہسار سوگوار ہے انہوں نے دعاکی ہے کہ اللہ پاک تمام مرحومین کو جنت الفردوس میں اعلیٰ مقام اوررجب صاحب اورانکے جملہ لواحقین کوصبرجمیل عطاء فرمائیں،آمین۔