ارشاد باری تعالیٰ ہے:
’’ اور کھاؤ، پیو یہاں تک کہ تمھارے لیے سفید دھاگہ سیاہ پر واضح ہو جائے۔‘‘(البقرہ)
سیدنا انسؓ سے روایت ہے کہ نبیﷺ نے فرمایا:
’سحری کھاؤ اس میں برکت ہے۔‘‘(بخاری)
سیدنا ابو ہریرہؓ سے روایت ہے کہ نبی ﷺ نے فرمایا:’مومن کی بہترین سحری کھجور ہے۔‘‘ (ابوداؤد)
نبی کریم ﷺ کی زوجہ محترمہ سیدہ صفیہؓ سے روایت ہے کہ رسول اللہﷺ نے فرمایا:
’’ جس نے فجر سے پہلے روزے کی نیت نہ کی اس کا روزہ نہیں ہے۔‘‘ (ابوداؤد)
سیدنا عرباض بن ساریہؓ سے روایت ہے:
’’مجھے رسول اللہﷺ نے رمضان المبارک میں سحری کھانے کی دعوت دی تو آپﷺ نے فرمایا:’’صبح کے بابرکت کھانے کی طرف آؤ۔‘‘(ابو داؤد)
سیدنا سہیلؓ سے روایت ہے کہ رسول اللہﷺ نے فرمایا:
’’تب تک لوگ بھلائی میں رہیں گے جب تک افطار کرنے میں جلدی کریں گے۔‘‘(بخاری)
ابو ہریرہؓ سے مروی ہے کہ نبی کریمﷺ نے فرمایا:
’’ جس نے روزہ کی حالت میں بھول کر کھا پی لیا وہ اپنا روزہ پورا کرے کیونکہ اسے اللہ نے کھلایا پلایا ہے۔‘‘(بخاری)
(ارشد محمود ،چوکپنڈوڑی)
