راولپنڈی(نمائندہ پنڈی پوسٹ ) ڈائریکٹر جنرل راولپنڈی ڈویلپمنٹ اتھارٹی محمد سیف انور جپہ کی ہدایت پر میٹروپولیٹن پلاننگ اینڈ ٹریفک انجینئرنگ (ایم پی اینڈ ٹی ای) ڈائریکٹوریٹ آرڈی اے نے پنجاب ڈویلپمنٹ آف سٹیز ایکٹ 1976اور پنجاب ڈویلپمنٹ اتھارٹیز پرائیویٹ ہاؤسنگ سکیم رولز 2021کے تحت راولپنڈی میں 14 غیر قانونی ہاؤسنگ سکیموں کے خلاف کاروائی کرتے ہوئے نوٹسز جاری کر دیئے ہیں۔ ترجمان آر ڈی اے نے کہا ڈی جی آرڈی اے کی ہد ایت پر پلاننگ ونگ آ رڈی اے غیر قانونی ہاؤسنگ سکیموں کی غیر قانونی اشتہارات و مارکیٹنگ کے خلاف قانونی کاروائی کر رہا ہے۔ انہوں نے۔ انہوں نے کہا اتھارٹی نے 14 ہاؤسنگ سکیموں کے سپانسرز کو نوٹس جاری کیے ہیں جن میں موضع بگا شیخاں چک بیلی خان روڈ پر چھ غیر قانونی ہاؤسنگ سکیموں بشمول ٹیب سٹی ہاؤسنگ سکیم، ترک سمارٹ سٹی ہاؤسنگ سکیم، الرحمت ہاؤسنگ سکیم، نشانِ مصطفی ہاؤسنگ سکیم، ایمپل لیونگ ہاؤسنگ سکیم اور دی کنٹری سائیڈ فارمز شامل ہیں۔ چھ غیر قانونی ہاؤسنگ سکیمز جن میں پائن گرین ہاؤسنگ سکیم، نیو مری ٹاؤن شپ ہاؤسنگ سکیم، ہوپ سٹی ہاؤسنگ سکیم، بنیاد ہاؤسنگ سکیم، ٹوکیو سمارٹ سٹی ہاؤسنگ سکیم اور گرین ہلز انکلیو موضع لا کوٹ ایکسپریس مری شامل ہیں۔ ایک غیر قانونی ہاؤسنگ سکیم ایگرو پارک رتہ گجراں روات راولپنڈی اور ایک غیر قانونی ہاؤسنگ سکیم فاریسٹ ٹاؤن موضع چھنی شیر عالم جی ٹی روڈ راولپنڈی شامل ہیں۔انہوں نے کہا کہ آر ڈی اے نے تین ہاؤسنگ سکیموں کے خلاف فرسٹ انفارمیشن رپورٹس (ایف آئی آر) بھی درج کرا دی ہیں جن میں ترکش سمارٹ سٹی، ایمپل لیونگ اور دی کنٹری سائیڈ ہاؤسنگ سکیم شامل ہیں۔ انہوں نے کہا کہ پلاننگ ونگ نے باقی غیر قانونی ہاؤسنگ سکیموں کے خلاف بھی ایف آئی آر درج کرنے کے لیے متعلقہ تھانوں میں درخواستیں بھی جمع کرا دی ہیں۔ انہوں نے کہا کہ ہاؤسنگ سکیموں کے مالکان و سپانسر گمراہ کن اشتہارات کے ذریعے سے عوام الناس کو گمراہ کر رہے ہیں۔ اس سلسلہ میں آر ڈی اے کے پلاننگ ونگ نے ایف آئی اے کے سائبر کرائم ونگ کو بھی درخواست کی ہے کہ ان سکیموں کے غیر قانونی اور گمراہ کن اشتہارات کے خلاف قانونی کاروائی کی جائے تاکہ عوام االناس کو ان کے جھانسے میں آنے سے بچایا جا سکے۔ انہوں نے کہا کہ ڈی آر ڈی اے محمد سیف انور جپہ کی ہدایت پر عوام الناس کو ان کے مفاد میں مشورہ دیا جا تا ے کہ وہ غیر قانونی و غیر مجاز سکیموں میں کسی بھی قسم کی سرمایہ کاری کرنے میں محتاط رہیں۔ انہوں نے مزید کہا کہ عوام الناس کو یہ بھی مشورہ دیا جاتاہے کہ وہ آر ڈی اے سے سکیموں میں سرمایہ کاری کرنے سے قبل جانچ پڑتال کر لیا کریں۔ نیز آر ڈی اے کی ویب سائٹ www.rda.gop.pkپر بھی چیک کیا جا سکتا ہے۔
155
