راولپنڈی (پنڈی پوسٹ نیوز) تھانہ صادق آباد میں درج مقدمے میں انسداد دہشت گردی کی خصوصی عدالت نے علیمہ خان سمیت 10 ملزمان پر فرد جرم عائد کر دی ہے۔ عدالت میں آج ہونے والی سماعت کے دوران تمام ملزمان کو چارج شیٹ پڑھ کر سنائی گئی، جسے انہوں نے تسلیم کرنے سے انکار کیا۔
مقدمہ انسداد دہشت گردی ایکٹ کے تحت درج کیا گیا تھا جس میں اشتعال انگیز تقریر، عوام کو اکسانے اور قانون نافذ کرنے والے اداروں کے خلاف کارروائی کی دفعات شامل ہیں۔
عدالت نے تمام ملزمان کو آئندہ سماعت پر گواہوں کی شہادت کے لیے طلب کر لیا ہے۔ کیس کی آئندہ سماعت اگلے ماہ کے اوائل میں مقرر کی گئی ہے۔
واضح رہے کہ یہ مقدمہ 2023 میں درج ہوا تھا، جس میں علیمہ خان کے علاوہ دیگر سیاسی کارکنوں کے نام بھی شامل ہیں۔
