راولپنڈی (نمائندہ پنڈی پوسٹ)پیٹرولیم مصنوعات کی قیمتوں میں کمی کے بڑے فیصلے کے باوجود راولپنڈی ڈسٹرکٹ میں پبلک ٹرانسپورٹ روٹس پر کرایوں میں کمی کروانے میں سیکرٹری ٹرانسپورٹ اتھارٹی راولپنڈی کی ناکامی پر سیکرٹری ٹرانسپورٹ اتھارٹی پنجاب عمران سہیل و سپریٹنڈنٹ ٹرانسپورٹ اتھارٹی پنجاب محمد اشرف سے ٹیلی فونک رابطے و مسافروں کے اضطراب سے اگاہ کیا جس پر سپرٹینڈنٹ ٹرانسپورٹ اتھارٹی پنجاب محمد اشرف کے احکامات پر سیکرٹری ٹرانسپورٹ اتھارٹی ڈسٹرکٹ راولپنڈی آفس متحرک راولپنڈی سے کلر سیداں کہوٹہ و گوجر خان روٹس پر چلنے والی بس سروسز کی چیکنگ 10گاڑیوں کے چالان 8 بسوں کو بند کر دیا گیا جبکہ اضافی کرایہ کی مد میں وصول 1680روپے مسافروں کو واپس کئے گے۔
ڈسٹرکٹ ٹرانسپورٹ اتھارٹی راولپنڈی افس میں تعینات سپرٹینڈنٹ ہارون نے پیٹرولیم مصنوعات کی قیمتوں میں کمی کے باوجود کرایوں میں کمی نہ کرنے پر جاری آپریشن کی تفصیلات سے آگاہ کرتے ہوئے بتایا کہ پنجاب حکومت کے احکامات کے مطابق عوام کو ہر ممکن ریلیف فراہم کرنے میں اپنا کردار ادا کریں گے
آج راولپنڈی سے مختلف روٹس پر جانے والی 29بسوں کو چیک کیا گیا زائد کرایوں کی وصولی و دیگر قواعد کی خلاف ورزیوں پر نہ صرف بھاری جرمانے کئے گے بلکہ 8بسوں کو بند کر دیا گیا ہے تمام کاروائی سے لاہور انتطامیہ کو آگاہ کر دیا گیا ہے گوجر خان کلر سیداں کہوٹہ سے متعدد باسیوں نے بذریعہ عوامی سوشل میڈیا فورم کے ذریعے آج پبلک ٹرانسپورٹ سروس بسوں کے خلاف کارروائی پر اطمینان کا اظہار کرتے ہوئے کہا کہ پیٹرولیم مصنوعات کی قیمتوں میں کمی کے باوجود کرایوں میں کمی نہ کر کے پنجاب حکومت کو چیلنج کر رہے تھے ٹرانسپورٹ مالکان ایسے آپریشن روزانہ کی بنیاد پر کئے جائیں تاکہ ٹرانسپورٹ مافیا کی من مانیوں کو کنٹرول کیا جا سکے
