راولپنڈی (نمائندہ پنڈی پوسٹ) راولپنڈی کے مختلف علاقوں میں چوری و ڈکیتی کی وارداتوں میں شہری قیمتی اثاثوں سے محروم ہو گئے ۔گزشتہ چند ایام سے جرائم پیشہ افراد نے شہریوں کی ناک میں دم کر رکھا ہے دوسری جانب پولیس ستو پی کر سو رہی ہے
تھانہ صدر بیرونی کے علاقہ ہل ویو کالونی میں محمد عمر اسامہ انعام کے گھر سے چار مسلح ملزمان 6لاکھ روپے اور 8 تولے طلائی زیورات لوٹ کر فرار ہو گئے
ایک اور واقعہ میں تھانہ روات جھمٹ مغل میں حسیب احمد کے گھر سے 3نامعلوم ملزمان اسلحہ کی نوک پر 250یورو‘ پانچ تولے سونا اور 50ہزار روپے چھین کر لے گئے۔پولیس نے مقدمات درج کر لئے
