176

راولپنڈی میں میاواکی جنگل اور سٹریٹ لائبریری کا افتتاح

راولپنڈی (نمائندہ پنڈی پوسٹ)وفاقی وزیر برائے موسمیاتی تبدیلی ملک امین اسلم خان نے آج بروز سوموار ریالٹو پارک میں دورہ کیا اور راولپنڈی ڈیویلپمنٹ اتھارٹی کی طرف سے بنایا گیا میاواکی جنگل اور سٹریٹ لائبریری کا افتتاح کیا۔ انہوں نے چیئرمین آرڈی اے طارق محمود مرتضٰی اور کمشنر راولپنڈی ڈویزن و ڈی جی آر ڈی اے گلزار حسین شاہ کو مبارک باد پیش کی کہ 52 مختلف اقسام کے 8500 پودے لگائے گئے ہیں اوربہت تعریف کی۔ انہوں نے کہا یہ بہت اچھا تحفہ ہے اور میاواکی میں پودے دس گنا تیزی کے ساتھ بڑھتے ہیں۔ اس کا بڑا فائدہ یہ ہے کہ آکسیجن کی مقدار میں اضافہ ہے اور رش کے اس ایریا میں قابل تحسین ہے۔ انہوں نے کہا وزیراعظم مران خان کے ویژن کے مطابق اس سال 2022 میں پورے پاکستان میں ایک کھرب پودے لگائے جائیں گے۔ انہوں نے مزید کہا کہ یہ منصوبہ وزیر اعظم کے میرٹ اور شفافیت کے ویژن کے مطابق جاری ہے۔ وزیر برائے موسمیاتی تبدیلی ملک امین اسلم خان نے گرین فکس پودا بھی لگایا۔ چیئرمین آرڈی اے طارق محمود مرتضٰی نے وزیرملک امین اسلم خان کا شکریہ ادا کیا۔ انہوں نے کہا آر ڈی اے ٹیم نے بہت محنت سے یہ کام کیا ہے، اس پر کوئی سرکاری فنڈز نہیں لگے یہ سب کچھ ڈونیشن سے ہوا۔ انہوں نے کہا لوگ یہاں پر لطف اندوز اٹھائیں گے اور بڑا فائدہ یہ ہے کہ سٹریٹ لائبریری سے کتابیں لے کر پڑہیں گے۔ کمشنر راولپنڈی گلزار حسین شاہ نے وزیرملک امین اسلم خان کا شکریہ ادا کیا۔ انہوں نے کہا اس کامیاب میاواکی جنگل سے ماحولیاتی آلودگی پر کم از کم وقت میں قابو پایا جائے گا اور مزید قابو پانے کے لیے شہر کے دیگر مقامات پر میاواکی جنگل لگائے جائیں گے۔ انہوں نے آر ڈی اے کی طرف سے ریالٹو پارک گرین بیلٹ پر8500 لگائے گئے پودوں کو دیکھ کرخوشی کا اظہار کرتے ہوئے آرڈی اے کے اس اقدام کو سراہا، کمشنرراولپنڈی نے کہا ابھی موسم سرما ہے 2022 میں میاواکی والے پودے گرمی کے موسم میں بڑھتے درجہ حرارت میں کمی کیلئے بہترین ذریعہ اور مدد گار ہوں گے۔ اس موقع پر وائس چیئرمین آرڈی اے ہارون ہاشمی، ڈائریکٹر ایڈ من و فنانس آصف محمود جنجوعہ، چیف انجینئر اور دیگر افسران موجود تھے۔ آخر میں چیئرمین آرڈی اے طارق محمود مرتضٰی نے وزیرملک امین اسلم خان کو میاواکی جنگل راولپنڈی کی یادگاری شیلڈ اور ڈپٹی ڈائریکٹر فنانس آرڈی اے محمد جنید تاج بھٹی کو کامیابی سے میاواکی تکمیل کرنے پر شیلڈ دی۔

خبر پر اظہار رائے کریں

اپنا تبصرہ بھیجیں