128

راولپنڈی بکس اینڈ سٹیشنرز ایسوسی ایشن کے زیراہتمام سمینار کا انقعاد

راولپنڈی(نمائندہ پنڈی پوسٹ)سکولوں کے اندرمالکان کی جانب سے کتابوں اورکاپیوں کی خریدوفروخت کے کاروبار نے بکس اینڈ سٹیشنرزکے کاروبار کو شدید مشکلات سے دوچار کردیا ہے،حکومت اس طرف توجہ دیکر سکولوں کے مالکان کو صرف تعلیم تک محدود رکھ کر کتابوں، کاپیوں کی خریدوفروخت کاکام بند کرائے ان خیالات کااظہارمہمان خصوصی مرکزی تنظیم تاجران پنجاب،راولپنڈی اسلام آباد کے صدر شرجیل میر ودیگر نے راولپنڈی بکس اینڈ سٹیشنرز ایسوسی ایشن کے زیراہتمام منعقدہ سمینار سے خطاب کرتے ہوئے کیا، سیمینار کا بنیادی مقصدکتب اور سٹیشنرز کے مسائل پرتوجہ دلانا تھا مقررین نے اپنے خیالات میں حکومت کی توجہ مسائل کی جانب مبزول کرائی جس میں سب سے بڑا مسئلہ سکولوں کے اندر بکس کے کاروبار ہے تاجررہنما محمد فیاض عباسی اور پیپلز کالونی تاجر یونین کے صدر رانا کامران نے کہا کہ اس وقت بک سینٹر اور سٹیشنرز انتہائی مشکل میں ہیں انہوں نے کہا کہ سکولوں نے کاروبار سکول کے اندرشروع کردیا ہے جس سے تاجرپس کررہ گئے ہیں مہمان خصوصی شرجیل میر نے کہا کہ سکولوں نے تعلیم کو کاروبار بنا لیا ہے کورونا کی وجہ سے شدی مشکلات کاشکار ہیں اس وقت مطالبہ یہ ہے کہ سکولوں کے اندر ہونیوالے کاروبار کو بند کراوایا جائے، تقریب سے جنرل سیکرٹری مرکزی انجمن تاجران راولپنڈی (رجسٹرڈ) طاہرتاج بھٹی،نائب صدر یاسرمغل،صدر انجمن تاجران پرودہائی روڈ ثناء اللہ، چوہدری زاہد ستی،سیف الرحمن،ساجد خان ودیگر نے بھی خطاب کیا۔

خبر پر اظہار رائے کریں

اپنا تبصرہ بھیجیں