راولپنڈی (نمائندہ پنڈی پوسٹ)سی پی او راولپنڈی ساجد کیانی نے تفتیشی افسران کو تفتیشی فنڈز کی مد میں 31 لاکھ روپے سے زائدکی رقم ادا کر دی، تفتیشی فنڈزکی ادائیگی کا مقصد تفتیش کے معیار کو بہتر و شفاف بنانا اور تفتیش میں درپیش مالی مسائل کا حل ہے۔ تفصیلات کے مطابق سٹی پولیس آفیسر راولپنڈی ساجد کیانی کی طرف سے تفتیشی افسران کی مشکلات کو بروقت حل کرنے کیلئے اقدامات کا سلسلہ جاری ہے،سی پی او راولپنڈی ساجد کیانی نے راولپنڈی پولیس کے58تفتیشی افسران کو تفتیشی فنڈز کی مد میں 31 لاکھ 77 ہزار 870 روپے کی رقم بذریعہ کراس چیک دی گئی،سی پی او راولپنڈی ساجد کیانی کا کہنا تھا کہ تفتیشی افسرا ن کی مشکلات اور مسائل سے بخوبی آگاہ ہیں، انہیں فنڈز بروقت جاری کرنے کا مقصد تفتیش کے معیار کو بہتر بنانا اور شفافیت کے عمل کو یقینی بنانے کے ساتھ ساتھ تفتیشی افسران کے مسائل کو حل کرنااور مشکلات کو دور کرنا ہے،ان کا کہنا تھا کہ راولپنڈی پولیس شفافیت اور میرٹ پر یقین رکھتی ہے اور تفتیشی افسران کو تفتیشی فنڈز کی فراہمی کو شفاف بنانے کے لیے فنڈز کی فراہمی کراس چیکس کے ذریعے کی گئی ہے۔
178
