ایم پی اے راجہ صغیر کی گرفتاری کے وارنٹ جاری

تفتیش کے لیے پولیس کے سامنے پیش نہ ہونے پر مسلم لیگ ن کے بارہ رہنماؤں کے وارنٹ گرفتاری جاری کر دئیے گئے جن رہنماؤں کی گرفتاری کے لیے پولیس نے عدالت سے رجوع کی ان میں راولپنڈی کے حلقہ پی پی سات سے منتخب رکن صوبائی اسمبلی راجہ صغیرا حمد بھی شامل ۔جوڈیشل مجسٹریٹ کی جانب سے وارنٹ گرفتاری جاری کرنے کی پولیس کی درخواست منظور کی گئی ہے۔مسلم لیگ ن کے رہنما عطاء اللّٰہ تارڑ، رانا مشہود، اویس لغاری، سیف الملوک، ملک غلام حبیب، مرزا جاوید، خضر حیات کھگہ، راجہ صغیر، عبدالرؤف، اشرف رسول، بلال فاروق تارڑ اور رانا منان کے نام بھی وارنٹِ گرفتاری جاری کیے گئے ہیں۔اس سے قبل لاہور پولیس نے مسلم لیگ ن کے 12 رہنماؤں کو گرفتار کرنے کے لیے مجسٹریٹ کو درخواست دی تھی۔لاہور پولیس کا اس حوالے سے کہنا تھا کہ مذکورہ ملزمان کے خلاف مقدمہ درج کیا گیا ہے۔پولیس نے الزام عائد کیا تھا کہ یہ ملزمان دانستہ طور پر پیش نہیں ہو رہے، ان کو گرفتار کر کے تفتیش مکمل کرنی ہے۔پنجاب اسمبلی میں ہنگامہ آرائی کے مقدمے میں عدالت نے پولیس کی طرف سے وارنٹ گرفتاری کی درخواست منظور کرلی جوڈیشل مجسٹریٹ نے ن لیگ کے بارہ رہنماؤں کی گرفتاری کے وارنٹ جاری کر دیے