امید ہے صدر علوی تعیناتی معاملے پر الجھن پیدا نہیں کرینگے،خواجہ آصف

اسلام آباد (نمائندہ پنڈی پوسٹ)وزیردفاع خواجہ آصف‏ کا کہنا ہے کہ ‏لیفٹیننٹ جنرل سید عاصم منیر کو آرمی چیف مقرر کردیاگیا ،قانون اور آئین کے تحت سارے معاملات طے پائیں گے ،آئینی ادارے کو متنازعہ نہیں بنانا چاہیے ،صدر مملکت عارف علوی کو تعیناتیوں سے متعلق سمری ارسال کردی گئی ، ان کا کہنا تھا کہ امید ہے صدر مملکت عارف علوی کوئی الجھن پیدا نہیں کریں گے، اب عمران خان کا امتحان ہے وہ دفاع وطن کے ادارے کو مضبوط بنانا چاہتے ہیں یا متنازعہ، بحیثیت افواج کے سپریم کمانڈر ادارے کو سیاسی تنازعات سے محفوظ رکھنا صدر کا فرض ہے۔