اسلام آباد سے کار لفٹر گروہ گرفتار 24 قیمتی گاڑیاں برآمد

اسلام آبادکیپیٹل پولیس کے اینٹی وہیکل لفٹنگ سیل کا کارلفٹرز کے خلاف کریک ڈاون۔ تین خطرناک کارلفٹرز گرفتار،4 کروڑ76 لاکھ روپے مالیت کی24 گاڑیاں برآمد۔ ایس ایس پی آپریشنز ملک جمیل ظفر نے برآمد ہونے والی گاڑیوں کی چابیاں ان کے اصل مالکان کے حوالے کردیں۔ایس ایس پی انوسٹی گیشن فرحت عباس کاظمی نے کار چوری کی روک تھام اور مسروقہ گاڑیوں کی برآمد گی کے لئے انچار ج AVLC لیاقت ملک کی سربراہی میں خصوصی پولیس اسکواڈز تشکیل دئیے جنہوں نے انتھک محنت سے کارلفٹرز گینگ کے تین ملزمان کو گرفتار کیا۔