پشاور(پنڈی پوسٹ نیٹ نیوز )خیبرپختونخواہ کے علاقہ پارہ چنار میں فائرنگ سے سرکاری سکولوں کے 8 اساتذہ کو قتل کر دیا گیا ۔افسوسناک واقعہ کے بعد بورڈ کے امتحانات ملتوی کر دئیے گئے تفصیلات کے مطابق ضلع کرم کے علاقہ پارہ چنار مختلف واقعات میں سرکاری سکولوں کے آٹھ اساتذہ قتل کر دئیے گئے۔ پولیس کے مطابق نامعلوم افراد کی فائرنگ سے شلوزان روڈ پر چلتی گاڑی پر فائرنگ سے ایک ٹیچر جاں بحق ہو گیا۔ واقعے کے بعد تری مینگل ہائی سکول میں سکول کے اندر سٹاف روم میں سات ٹیچرز کو قتل کر دیا گیا۔ تمام اساتذہ کا تعلق اہل تشیع سے ہے واقعے کے بعد ضلع بھر میں آمد و رفت کے راستے سکیورٹی خدشات کے پیش نظر بند کر دئیے گئے۔ ہسپتالوں میں ایمرجنسی نافذ کردی گئی۔ 28 اپریل سے جاری کوہاٹ بورڈ کے زیر اہتمام میٹرک کے امتحانات ملتوی کر دئیے گئے۔
120
